मेयर महराले ब्याटिङ गरेर क्रिकेट प्रतियोगिता उद्धघाटन
![](https://prabhufm.org.np/uploads/news/images/1987258594dh.jpeg)
शुक्लाफाँटा नगरपालिकामा वडास्तरीय क्रिकेट प्रतियोगिता शनिवारदेखि सुरु भएको छ । शुक्लाफाँटा नगरपालिकाका नगर प्रमुख रण बहादुर महराले ब्याटिङ गरेर क्रिकेट प्रतियोगिता उद्घाटन गरेका छन् ।
स्वास्थ्यका लागि खेलकुद, राष्ट्रका लागि खेलकुद भन्ने मुल नाराका साथ शुक्लाफाँटा ७ शान्तिपुर स्थित हिमालय युथ क्लबको आयोजनामा सिमलफाँटाको खेलमैदानमा उक्त प्रतियोगिता सञ्चालन गरिएको हो । क्रिकेट प्रतियोगितामा ११ वटा टिमको सहभागिता रहेको छ । वडा नम्बर ३ भने प्रतियोगितामा सहभागि भएको छैन ।
कार्यक्रममा बोल्दै नगर प्रमुख महराले प्रतियोगिता सफलताको कामना गर्दै खेलमा अनुशासन र सिकाइ उपलब्धी मुख्य हुने बताए ।विभिन्न खेल र खेलाडीहरुका माध्यमबाट गाउँ,नगर हुँदै राष्ट्रिय,अन्तराष्ट्रिय रुपमा पहिचान हुने चर्चा गर्दै मेयर महराले मर्यादित तरिकाले खेल खेल्न आग्रह गर्नुभयो । नगरभित्र रहेका खेलाडीहरुकालाई प्रोत्साहन गर्नेगरी नगरपालिका अघि बढेको भन्दै खेलाडीहरुका लागि उचित सम्मान तथा पुरस्कारको व्यवस्था नगरले गरेको उनले बताए ।
खेलाडीहरुको साथमा नगरपालिका रहेको खसाथै खेलाडीहरुका लागि एउटा कार्यविधि समेत निर्माण गर्ने तयारीमा नगरपालिका रहेको उनको भनाई थियो । स्वास्थ्यका लागि भएपनि खेल खेल्नु अपरिहार्य रहेकोमा जोड दिदै उनले थप क्षमता विकास गर्न खेलाडीहरुलाई आग्रह गर्नुभयो ।
फरक प्रसंगमा बोल्दै मेयर महराले पछिल्लो समय युवाहरु लागुऔषध दुर्व्यसनीतर्फ गइरहेको बताउँदै यस तर्फ नजान र गएकालाई समयमै सचेत गराउन युवाहरुले भूमिका खेल्नुपर्ने धारणा राख्नुभयो । समाज रुपान्तरणका सम्बाहका रुपमा युवाहरु रेहेकोले समाज सुधारका अभियन्ता समेत युवा भएको उनको भनाई थियो ।
यसैगरी नगर उपप्रमुख कल्पना पन्तले राम्रा कामका लागि नगरपालिका सधैँ युवाहरुका साथमा रहेको बताउँदै गतलमार्ग नगएर समाजको विकासमा पनि युवा,खेलाडी संलग्न हुनुपर्ने बताइन् । क्रिकेट प्रतियोगिताको आयोजना गरेर युुवाहरुले राम्रो कार्य गरेकोमा उपमेयर पन्तले खुसी व्यक्त गरिन् ।
समीर धानुकको अध्यक्षता एवं नगर प्रमुख रण बहादुर महरा प्रमुख अतिथि रहनुभएको थियो । नगर उपप्रमुख कल्पना पन्त विशिष्ट अतिथि रहनुभएको थियो । वडा नम्बर २ का वडाध्यक्ष भोदुराम डगौरा,कार्यपालिका सदस्य सरस्वती जोशी,वडा नम्बर ७ का वडा सदस्य केशव ठगुन्ना,११ नम्बर वडाका वडा सदस्य राजेश शाही,सञ्चारकर्मी लगायतको उपस्थिती रहेको थियो । मदन बडालले स्वागत मन्तव्य राख्नुभएको कार्यक्रमको सञ्चालन दिपकराज भट्टले गर्नुभएको थियो ।
प्रतियोगिता असोज ६ गते सम्म सञ्चालन हुने आयोजक हिमालय युथ क्लबका अध्यक्ष हेमराज भट्टले बताए । प्रतियोगितामा प्रथम हुने टिमले नगद ४० हजार १ सय ११ रुपैयाँ,मेडल प्रमाण पत्र तथा द्धितिय स्थान प्राप्त गर्ने टिमलाई रु २० हजार १सय ११ रुपैयाँ,मेडल प्रमाण पत्र प्रदान गरिने आयोजकले जनाएको छ ।
![](https://prabhufm.org.np/uploads/news/images/thumb266/20920805622.jpeg)
एसिया कप महिला टी-२०: नेपालले आज युएईसँग खेल्दै
काठमाडौं । आजबाट श्रीलङ्कामा एसिया कप महिला टी–२० क्रिकेट सुरु हुँदैछ । आज नेपालले समूह चरणको आफ्नो पहिलो खेल खेल्दैछ। श्रीलंकाको राङ्गिरी दम्बाला
![](https://prabhufm.org.np/uploads/news/images/thumb266/2339009156237a933-6f46-4300-90ec-6a26c0b4c2e2.jpeg)
कृष्णपुर २ मा वडाध्यक्ष कप फुटबल प्रतियोगिता शुरु
झलारी , मंसिर ३०, कञ्चनपुरको कृष्णपुर नगरपालिका २ मा वडाध्यक्ष कप फुटबल प्रतियोगिता शुरु भएको छ । कृष्णपुर नगरपालिका २ नम्बर वडाको आयोजनामा प्रथम
![](https://prabhufm.org.np/uploads/news/images/thumb266/443632136407953140_321959667274023_1624991471377791636_n.jpeg)
खेलाडीलाई ‘जर्सी’ हस्तान्तरण
झलारी । कैलालीको धनगढीमा जारी लिटल फ्लावर प्रिमियर लिग (एलपिएल) को आठौँ संस्करणमा सहभागी हुने शुक्लाफाँटाको कृष्णसार फाउन्डेसनलाई पोषाक (जर्सी)
प्रतिकृया दिनुहोस