२०८१ श्रावण ३०, बुधबार । हास्य टेलिशृङ्खला तितो सत्यकै समयदेखि हास्यव्यङ्ग्य गतिविधिमा सँगसँगै रहेका दीपकराज गिरी र जितु नेपाल यति बेलाचाहिँ व्यावसायिक भिडन्तको अवस्थामा आइपुगेका छन्।

दीपकराज गिरी र दीपाश्री निरौलाले निर्माण गर्दै आएको छक्कापञ्जा चलचित्र शृङ्खलाको भाग ३ सम्म दीपक र जितु सँगसँगै थिए।  दीपक–दीपाले ‘छक्कापञ्जा–५’ बनाइरहँदा जितु नेपालले ‘ज्वाइँसाब’ बनाएका छन्। छक्कापञ्जा–५ मा केदार घिमिरे, निर्मल शर्मा जस्ता कलाकारको अभिनय छ।

ज्वाइँसाबमा बुद्धि तामाङ र हिमेश पन्त जस्ता हास्य कलाकार छन्। कथाभन्दा बढी कमेडीप्रधान बनाउँदै आएका दीपक–दीपाको छक्कापञ्जा–५ र जितु अभिनीत ज्वाइँसाब चलचित्रको प्रदर्शन मिति एकै दिन तोकिएको छ। यसले समेत दीपक–जितुको व्यावसायिक भिडन्तका रूपमा चलचित्र क्षेत्रमा बुझिन थालिएको छ। 

‘छक्कापञ्जा–५’ को सोमबार पहिलो गीत ‘बिहे भाको छैन’ सार्वजनिक गरिएको थियो। ज्वाइँसाबको पहिलो पोस्टर सार्वजनिक गरिएको छ। छक्कापञ्जा–५ मा दुई व्यक्तिको प्रेमकथा देखाइएको ‘बिहे भाको छैन’ गीतमा सविन सुवेदी र बेनिशा पौडेलको स्वर रहेको छ। गीतमा दीपकराज गिरी र दीपक शर्माको शब्द तथा शर्माकै सङ्गीत छ। 
सुनील क्षेत्रीले कोरियोग्राफी गरेको गीतको भिडियोमा दीपकराज गिरी र वर्षा शिवाकोटीको अभिनय रहेको छ। दीपाश्री निरौला निर्देशित चलचित्रमा दीपकराज गिरी, केदारप्रसाद घिमिरे र दिलीप तामाङको कथा, पटकथा र संवाद छ। चलचित्रमा रोशन श्रेष्ठको एक्सन, विपिन मल्लको सम्पादन, हरि हुमागाईंको छायाङ्कन छ।

कलाकार दीपकराज गिरीका अनुसार चलचित्र दशैँमा प्रदर्शन गर्ने भनेर पाँच महिनाअघि नै घोषणा गरिएको हो। उनले भने, “हामीसँग चलचित्र जुधाउन आउनुले खासै केही तुक राख्दैन। जेठान आउँथ्यो, होला ज्वाइँ आयो। साधारण कुरा हो। आफ्नो कर्म गर्ने हो महाभारतमा ठूलाबाउ, काकाबाउ त लडेका थिए, यहाँ त साथीभाइ भिड्दै छौँ।’ 
चलचित्र ‘ज्वाइँसाब’ का निर्देशक वसन्त निरौलाका अनुसार छक्कापञ्जा–५ को प्रदर्शनसँग चलचित्र जुधाउने हिसाबले प्रदर्शन गर्न लागेको होइन। त्यही मितिमा प्रदर्शन समय पाएको हुनाले यस्तो पर्न गएको हो। उनले भने, ‘हामीले ठुलो ब्रान्डको चलचित्रसँग कहाँ भिड्न सक्छौँ ररु यदि दशैँमा प्रदर्शन नगरिए एक वर्षसम्म चलचित्रको प्रदर्शनको समय पाउन मुस्किल रहेको छ। हामीले प्रदर्शन समय नै पाउँदैनौँ।’

निरौला निर्देशित चलचित्र ‘ज्वाइँसाब’ मा जितु नेपालको प्रमुख भूमिका छ। राजकुमार पण्डितको प्रस्तुतिमा तयार भएको चलचित्रमा जितुलाई नायिका नीति शाहले साथ दिएकी छन्। चलचित्रमा बुद्धि तामाङ, शिशिर बाङ्देल, प्रकाश घिमिरे, रमेश बुढाथोकी, निमा पाण्डे, हिमेश पन्त, शिवहरि वैरागी, राजेन्द्र नेपाली, कविता आले, शिवु पाण्डेलगायत कलाकारको अभिनयछ।

विष्णु माझीको यसपालिको तीज गीत आइनँ आमा‘ सार्वजनिक

लोक संगीतप्रेमी स्रोता–दर्शकको जिज्ञासा थियो– विष्णु माझीको गीत कहिले आउँछ ।    पछिल्ला वर्ष अरू समयमा उनका गीत नआए पनि तीजमा सधैं ल्याउने

‘भ्वाइस किड्स’ सिजन ३ को उपाधि अनुया तामाङलाई

२०८१ भदौ २ गते आईतबार, काठमाडौं । ‘भ्वाइस किड्स’ सिजन ३ को उपाधि अनुया तामाङले जितेकी छन् । शनिबार आयोजित ग्राण्ड फिनालेमा टीम प्रमोद खरेलकी

बिस्ताराले पोल्यो गीतको चर्को आलोचनापछि गायिका शान्तिश्री परियारले मागिन् माफी

काठमाडौँ । तीजको सन्दर्भमा निकालिएको एउटा गीतले चर्को आलोचना खेपेपछि गायिका शान्तिश्री परियारले माफी मागेकी छिन्। उनले आज विज्ञप्ति जारी गरेरै