झलारी । शुक्लफाँटा नगरपालिका वडा नम्बर ८ स्थित बैजनाथ आधारभूत विद्यालयका विद्यार्थीहरुले शैक्षिक अवलोकन भ्रमण गरेका छन् । शुक्लाफाँटा नगरपालिका संगै १२ वटै वडा कार्यालय संगै मठ–मन्दिरहरुको बिहीबार विद्यार्थीहरुले अवलोकन भ्रमण गरेका हुन् । स्थानीय संस्कृत सोही ठाँउको जनजीवन, भूगोल लगायतका विविध विषयवस्तुबारे बालबालिकालाई जानकारी गराउनका लागि विद्यार्थीहरुलाई शैक्षिक भ्रमण गराइएको विद्यालयका सहायक प्रधानाध्यापक पदम सावदले बताए ।  

भ्रमणबाट विद्यार्थीहरुमा आफ्नो परिवेशबाट सिक्ने, नजिकको वातावरण, भूगोलसँग सम्बन्धित ज्ञान आर्जन गरुन् भनेर शैक्षिक भ्रमण गराइएको हो । विद्यार्थीहरुले शैक्षिक भ्रमणका क्रममा नगर प्रमुख रण बहादुर महरासंग समेत भेट गरेका थिए । नगर प्रमुख महराले विद्यार्थीहरुलाई नगरपालिकामा स्वागत गर्दै नगरपालिकाले प्रवाह गर्ने सेवाबारे जानकारी दिए। ‘यस्ता शैक्षिक भ्रमणले विद्यार्थीहरुलाई नगरबारे बुझ्न सहज हुन्छ,’ उनले भने, ‘नगरभित्र रहेका पर्यटकीय स्थलको प्रचारप्रसारमा समेत सहयोग पुग्छ, यस्ता शैक्षिक भ्रमण अन्य विद्यालयले पनि गर्नु जरुरी छ।’

नगरपालिकाका सूचना अधिकारी मोहन फुलाराले नगरपालिकाका विषयगत शाखाहरु र कामबारे जानकारी दिएका थिए । नगरपालिकाले स्थानीय पाठ्यक्रम ‘हाम्रो शुक्लाफाँटा’ निर्माण गरेर विद्यार्थीहरुलाई अध्यापन गराइरहेको छ । स्थानीय पाठ्यक्रममा शुक्लाफाँटा नगरपालिकाको भौगोलिक, ऐतिहासिक, सामाजिक, आर्थिक, जनसंख्या तथा राजनीतिक अवस्थाको परिचयसम्मका विषयवस्तु समावेश गरिएका छन् ।

साथै स्थानीय सरकारको परिचय, विभिन्न समितिका काम, कर्तव्य र अधिकारका विषयवस्तु पाठ्यक्रममा समेटिएका छन् । त्यसैगरी नगरपालिकाभित्र रहेका धर्म, संस्कृति तथा सांस्कृतिक मूल्यमान्यता, रहनसहन, प्राकृतिक स्रोत साधन, पर्यटकीयस्थल आदिको पहिचान, जगेर्ना, संरक्षण र संवद्र्धनका लागि पनि विषयवस्तु यसमा राखिएका छन् । यस पाठ्यक्रममा समुदायमा भएका पहाडी समुदाय, राना थारू र डगौरा थारू सबै समुदायको कला, संस्कृति समेटिएको छ ।

सुदूरपश्चिममा उपेक्षित उष्णप्रदेशीय रोगको जोखिम बढ्दै

कञ्चनपुर, १७ माघ : उपेक्षित उष्णप्रदेशीय (गर्मी क्षेत्रमा हुने) रोगको जोखिम सुदूरपश्चिम क्षेत्रमा बढ्दै गएको छ । विभिन्न प्रकारका भाइरस, ब्याक्टेरिया,

महेन्द्रनगरमा रहेको संविधानचोकमा पुस २ गतेसम्म प्रदर्शन निषेध

झलारी । कञ्चनपुरको महेन्द्रनगरमा महेन्द्रको शालिक राख्ने विषयमा राजनीतिक दलबीच विवाद बढेपछि निशेधाज्ञा जारी गरेको छ। दलहरु आ-आफ्ना अडानमा दृढ

हिमालयन लाइफ इन्स्योरेन्सद्धारा ५ लाख ५४ हजार मृत्यु दावी भुक्तानी

झलारी । हिमालयन लाइफ इन्स्योरेन्स लिमिटेड कम्पनी झलारी शाखाले मृत्यु दावी भुक्तानी गरेको छ । कम्पनीले मंगलबार एक कार्यक्रमको आयोजना गरि मृतक बीमित