ब्राजिलको साओ पाउलोमा विमान दुर्घटना हुँदा विमानमा सवार ६१ जनाको मृत्यु
२०८१ साउन २६, शनिबार एजेन्सी । ब्राजिलको साओ पाउलो राज्यमा विमान दुर्घटना हुँदा विमानमा रहेका सबै ६१ जनाको ज्यान गएको छ । दक्षिणी राज्य परानाको कास्केभेलबाट साओ पाउलो शहरको ग्वारुल्होस विमानस्थलमा उडिरहेको विमान भिन्हेडो शहरमा खसेको भोपस एयरलाइन्सले जनाएको छ । दुर्घटनामा चालक दलका चार सदस्य र ५७ जना यात्रु गरी ६१ जनाको ज्यान गएको स्थानीय अधिकारीलाई उद्धृत गरी बीबीसीले जनाएको छ ।
सामाजिक सञ्जालमा सार्वजनिक फुटेजमा विमान ठाडो रूपमा तल झरेको देखिन्छ । विमान खस्दै गर्दा घुमिरहेको थियो । आवासीय क्षेत्रमा भएको दुर्घटनामा एउटा घरमा क्षति पुगेको छ । तर त्यसबाट थप मानविय क्षति नभएको खबरमा उल्लेख छ ।
प्रहरी र दमकलले दुर्घटनास्थलमा उद्दार र भग्नावशेष हटाउने काम गरेका छन् । एटीआर ७२–५०० विमान दुर्घटनापछि फ्रान्सेली–इटालियन विमान निर्माता कम्पनी एटीआरले अनुसन्धानमा सहयोग गर्ने बताएको छ । ब्राजिलको नागरिक उड्डयन एजेन्सीकाअनुसार सन् २०१० मा निर्माण भएको विमान राम्रो अवस्थामा सञ्चालन भइरहेको थियो ।
ब्राजिलका राष्ट्रपति लुइज इनासियो लुला डा सिल्भाले दुर्घटनालगत्तै दुःख व्यक्त गर्नुभएको छ । साओ पाउलो राज्यका गभर्नर टार्सिसियो गोम्स डे फ्रेटासले तीन दिनको शोकको घोषणा गरेको बीबीसीले जनाएको छ ।
दुई केटाका एउटै प्रेमिका परेपछि धनगढीमा धारिलो हतियार प्रहार सम्मको घटना, पाँच जना पक्राउ
२०८१ भाद्र २४ गते, सोमबार धनगढी । कैलालीको धनगढीमा केटीको चक्करमा हतियार प्रहारसम्मकै घटना घटेको छ। यो घटना अस्ति मध्यरातिको हो। दुई केटाका एउटै
अत्तरियाको पहाड रोडमा अटो दुर्घटना हुँदा २ जना घाइते
२०८१ भाद्र २४ गते, सोमबार, अत्तरिया । कैलालीको अत्तरियामा अटो दुर्घटना हुँदा २ जना घाइते भएका छन् । आइतबार अत्तरियाको पहाड रोडमा सडक किनारामा
कैलालीको खुटिया नदीमा बेपत्ता भएकी जेनिसाको शव मृत अवस्थामा फेला
२०८१ भाद्र २४ गते, सोमबार । कैलालीको खुटिया नदीमा डुबेर बेपत्ता भएकी एक बालिकाको शव फेला परेको छ। आइतवार धनगढी उपमहानगरपालिका–१५ र वडा नम्बर–७ को
प्रतिकृया दिनुहोस